« Картадан картаға аударым (Р2Р)» қызметін ұсыну талаптары туралы Шарт
Бұдан әрі «Банк» деп аталатын «Bank RBK» АҚ және бұдан әрі «Клиент» деп аталатын жеке тұлға, бұдан былай бірігіп «Тараптар», ал жекелей «Тарап» немесе жоғарыда көрсетілгендей аталатындар Банктің «Картадан картаға аударым (Р2Р)» қызметін ұсынуталаптары туралы Шарт (бұдан әрі - Шарт) жасасты.
1. ШАРТТА ҚОЛДАНЫЛАТЫН ТЕРМИНДЕР ЖӘНЕ АНЫҚТАМАЛАР
Қуаттау – сұрау салу және эмитент-Банктен немесе ХТЖ-нен операция жүргізуге рұқсат немесе шектеу түріндегі мұндай сұрауға Банктен жауап алу процедурасы;
Банк –"Bank RBK" Банкі акционерлік қоғамы;
Эмитент-Банк – төлем карталарын шығаратын банк немесеұйым, оның ішінде Банк;
Бей резидент – Банк –ҚР тыс жерде орналасқан,шетел мемлекеттерінің заңнамасына сәйкес банк немесе несие ұйымы болып табылатын заңды тұлға – бейрезидент;
Аударым валютасы – Банк Қызметін жүзеге асыруға Нұсқау беру кезінде Клиенттің көрсеткен Сомасының валютасы.
Карта ұстаушысы – оның сәйкестендіруші ақпараты төлем картасының тасымалдаушысында жазылған және оның бетіне бейнеленген, төлем картасын беру және пайдалану туралы Шартқа сәйкес төлем картасын пайдалануға құқығы бар жеке тұлға;
Сәйкестендіру – жіберушінің Картасы бойынша алаяқтық операциялардың жүргізу қауіптілігін азайту мақсатында Банктің Клиентке жүргізетін қосымша тексеріс процедурасы, ол келесі әдістермен жүзеге асырылады:
- 3DSecure технологиясы бойынша және/немесе
- CVV2/CVC2 код технологиясы бойынша;
Банктің интернет-ресурсы – Банктің бағдарламалық жасақтамасының, оның ішінде Банктің бағдарламалық жасақтамасы орнатылуы мүмкін компьютерлердегі, планшетті компьютерлердегі, ұялы телефондардағы және өзге ұялы құрылғылардағы бағдарламалық жасақтамасының жиынтығы, сонымен қатар ақпараттың, оны ұсыну әдістерінің және Интернет Желісінің қолданушыларына Банктің www.bankrbk.kzИнтернет Желісіндегі көрсетілген ақпаратқа қатынау алуға мүмкіндік беретін техникалық құралдар жиынтығы;
Төлем картасы (бұдан әрі - Карта) – электрондық терминалдар арқылы немесе мұндай карта ұстаушысына төлемдер жүргізуге, қолма қол ақша алуға, валюта айырбастауға және төлем картасының эмитент-Банкімен анықталған және оның талаптарымен өзге операцияларды жүзеге асыруға мүмкіндік беретін өзге құрылғылар арқылы Карта шығарылған банктік шоттағы ақшаға қатынау құралы;
Жіберуші картасы – Банк Қызмет көрсету кезінде, деректерді және/немесе оған байланыстырылған банктік шоттан ақша алынатын деректемелер туралы ақпаратты қолданатын Карта;
Қабылдаушы картасы – Банк Қызмет көрсету кезінде, деректерді және/немесе оған байланыстырылған (қатынауды қамтамасыз ететін) банктік шотқа ақша аударылатын деректемелер туралы ақпаратты қолданатын Карта;
Клиент – осы Шарттың талаптарына қосылған, жеке тұлға – жіберуші Картасының ұстаушысы;
Комиссия – Банктің Қызмет көрсету кезіндегі Банк тарифтеріне сәйкес Банк Қызметі үшін Клиенттің Банк пайдасына төлейтін сомасы. Комиссия Банкпен есептеледі және Карта Ұстаушысы жіберуші Картасының, қабылдаушы Картасының параметрлерін, Шартқа қосылуға дейінгі аударым Сомасын көрсеткеннен кейін жіберуші Картасының ұстаушысына хабарланады;
Бейрезидент – Шарттың 1 Бөліміндегі «Резидент» анықтамасында көрсетілмеген жеке тұлғалар (Шартта қолданылатын терминдер және анықтамалары);
Картадан картаға аударым (Р2Р) (Банк қызметі) – жіберуші Картасының және қабылдаушы Картасының параметрлерін пайдалана отырып, қайтарымсыз ақша аударымымен байланысты операцияны жүзеге асыруға мүмкіндік беретін, Банктің ішкі құжаттарына және осы Шарттың талаптарына сәйкес Банктің Клиентке көрсететін, Клиенттердің Төлем карталарына қызмет көрсету бойынша қызмет;
Халықаралық төлем жүйесі (ХТЖ) – аталған төлем жүйесінің ішкі ережелеріне сәйкес Картаны қолдана отырып төлемдерді жүзеге асыруға мүмкіндік беретін бағдарламалық-техникалық құралдардың, құжаттамалар мен ұйымдастырушылық-техникалық іс-шаралардың жиынтығы;
Нұсқау – осы Шартпен белгіленген әдіспен Банкке ұсынылған Клиенттің өкімі, ол келесілерден тұрады: осы Шарттың талаптарымен Клиенттің танысуы туралы растама; Клиенттің осы Шартталаптарымен келісімі; Клиенттің осы Шартқа қосылуы туралы растама; Банктің Интернет-ресурсына енгізген Клиенттің ақпараты (операция параметрлері) негізінде Банктің Қызмет көрсету туралы Клиенттің Банкке қойған өкімі;
ХТҚ ережелері – ХТЖ қызмет етуі бойынша Халықаралық төлем жүйелерінің бекіткен ережелері және нормалары;
Шартқа қосылу – Карта ҰстаушысыныңКлиенттің Банк Қызметін қабылдауға бағытталған және Клиенттің осы Шарт талаптарымен танысуын, Клиенттің осы Шарттың жасауға келісімін, Клиенттің осы Шарт талаптарын ұстану міндетін растайтын іс-әрекетті орындауы;
Резидент –шет мемлекеттің заңнамасына сәйкес берілген сол мемлекетте тұрақты тұру құқығына құжаты бар ҚР азаматтарын, сонымен қатар ҚР тұрақты тұру құқығына құжаты бар, бірақ азаматтығы жоқ шетелдіктерді және тұлғаларды қоспағанда, ҚР азаматы болып табылатын, оның ішінде уақытша шетелде немесе ҚР шегінен тыс мемлекеттік қызметте жүрген азамат;
ҚР – Қазақстан Республикасы;
Интернет Желісі – ақпаратты сақтау және жіберу үшін біріктірілген компьютерлердің ғаламдық желісі;
Аударым сомасы – жіберуші Картасының Ұстаушысы Банктің Қызмет көрсетуге Нұсқауындағы көрсеткен сома;
жіберуші Картасының шоты – эмитент-Банкте, оның ішінде Банкте ашылған банктік шот, ол арқылы жіберуші картасы бойынша операциялар жүргізіледі;
қабылдаушы Картасының шоты - эмитент-Банкте, оның ішінде Банкте ашылған банктік шот, ол арқылы қабылдаушы картасы бойынша операциялар жүргізіледі;
CVV2/CVC2 кодын тексеру технологиясы – Банктің келесідей жүзеге асыратын Сәйкестендіру әдістерінің бірі:
- Банк Клиенттен CVC2 немесе CVV2 кодын сұратады (бұдан әрі - Код), Клиент оны экранды түрде операцияның өзге параметрлерімен бірге көрсетуі қажет;
- Банк алынған Кодты тексеріс үшін Автоматтандырылған сұрау арқылы эмитент-Банкке жібереді;
- Автоматтандырылған сұрауға жіберуші Картасы бойынша операция жүргізуге рұқсат етпеу туралы жауап келсе, оның ішінде сұралған Код енгізілмесе немесе қате енгізілсе, Банк Клиентке Қызмет көрсетуден бас тартады;
3DSecure технологиясы – Төлем карталары бойынша Интернет Желісінде операция жүргізудің жоғары қауіпсіздігін қамтамасыз ету үшін ХТЖ жасаған технология. Аталған технология аясында Клиенттің жеке басы мұндай банкпен белгіленген әдіс арқылы жіберуші Картасының эмитент-Банкінің серверінде куәландырылады (мысалы белгілі бір құпия сөзді енгізу арқылы). 3DSecure технологиясын қолдайтын MASTERCARD Worldwide Төлем жүйесінің қауіпсіздік стандарты MASTERCARD SecureCode атауына ие; 3Dsecure технологиясын қолдайтын Visa Төлем жүйесінің қауіпсіздік стандартыVerified by Visa атауына ие;
CVV2/CVC2-код («CVV2» – ағылшын тіліндегі «Card Verification Value 2»сөз тіркесініңаббревиатурасы/ «CVC2» – ағылшын тіліндегі «Card verification code» сөз тіркесінің аббревиатурасы) – интернет желісі арқылы тауарға немесе қызметке төлем жүргізу кезінде Карта Ұстаушысын сәйкестендіру үшін арналған сәйкестендіруші үштаңбалы код.
2. ЖАЛПЫ ЕРЕЖЕЛЕР
2.1. Осы Шарт ҚР Азаматтық Кодексінің 389 бабына сәйкес қосылу шарты болып табылады. Шарттың мәтіні Интернет желісіндегі www.bankrbk.kzмекенжайы бойынша Банктің Интернет-ресурсында орналастырылған.
2.2. Шарт Банктің белгілі бір нақты Қызметіне қатысты қолданылады және Шартқа қосылу сәтінен бастап күшіне енеді.
2.3. Банктің Қызмет көрсетуіне қатысты Шарт Тараптардың Шарт бойынша міндеттерін толық орындағанға дейін шығарушы Банкке ақша аударуы және Клиенттің Банкке Комиссия төлеуі).
2.4. Шартқа қосылу Банктің Интернет-ресурсында экранды түрде белгі қою арқылы Клиентпен жүзеге асырылады. Клиенттің Шартқа қосылу фактісі белгіленеді және Банктің аппараттық-бағдарламалық кешенінде сақталады. Клиенттің Шартқа қосылу фактісін көрсететін Банктің аппараттық-бағдарламалық кешенінен үзінді көшірмелер дауларды қарастыру кезінде жоғарыдағы тармақта аталған тәртіпте, соның ішінде сот тәртібінде дәлел ретінде қолданылуы мүмкін.
2.5. Клиент Шартта мазмұндалған талаптарға сәйкес осы Шарттың талаптарын толықтай (барлығын) қабылдайды.
3. ШАРТТЫҢ МӘНІ
3.1. Банк өзінің Интернет-ресурсы арқылы Клиентке Банк Қызметтерін пайдалануға мүмкіндік ұсынады. Қызмет көрсету барысында Банк Қызмет көрсетуге сұрауды қабылдайды және өңдейді, яғни:
- жіберуші Картасы бойынша бір шығыс операциясын аударым және Комиссия сомасы мөлшерінде Қуаттауға ықпалдасады. Эмитент-Банктен Қуаттаудан бас тарту алған жағдайда, Банк Қызмет көрсетуді тоқтатады, ал Шарттың әрекеті тоқтатылады;
- жіберуші Картасы бойынша толықтырудың бір операциясын аударымсомасы мөлшерінде Қуаттауға ықпалдасады. Эмитент-Банктен Қуаттаудан бас тарту алған жағдайда, Банк Қызмет көрсетуді тоқтатады.
3.2. Қызмет көрсетумен байланысты сұрақтар бойынша Клиент келесі байланыс телефондары арқылы Банкке тәулік бойы хабарласа алады:
Төлем карталарына қызмет көрсетудің байланыс-орталығы:
+ 7 (727) 390 90 30
7888 (ұялы телефоннан қоңырау шалу тегін)
4. БАНКТІҢ ҚЫЗМЕТ КӨРСЕТУ ТАЛАПТАРЫ
4.1. Банк келесі талаптарды бір мезгілде орындау кезінде осы Шарттың талаптарына, ҚР заңнамасының талаптарына және ХТЖ тиісті Ережелеріне сәйкес Қызмет көрсетеді:
4.1.1. белгілі бір Қызмет көрсету үшін Банктің техникалық мүмкіндігінің болуы;
4.1.2. Клиенттің Сәйкестендіруден сәтті өтуі;
4.1.3. Автоматтандырылған сұрау нәтижесінде алынған Карталар бойынша операция жүргізуге жіберушінің және аударым қабылдаушысының эмитент-Банктерінен рұқсаттың болуы;
4.1.4. Клиенттің осы Шарттың талаптарына сәйкес Банктің Қызмет көрсетуі үшін Комиссияны төлеуі;
4.1.5. Клиенттің жіберуші Картасында Банктің Қызмет көрсетуі және Комиссияның төлеуі үшін жеткілікті ақша болуы;
4.1.6. осы Шартпен және оның негізінде Карта шығарылған және қызмет етілетін шартпен көзделген операцияларды жүзеге асыруға шектеулердің болмауы;
4.1.7. ҚР заңнамасымен, Банктің немесе ХТЖ ішкі нормативтік құжаттарымен белгіленген шектеулердің болмауы.
4.2. Клиент Шарттың 4.1. тармағында көрсетілген талаптарды орындамаған жағдайда, сонымен қатар Клиенттің көрсеткен операция параметрлері Банктің белгілеген шектеулеріне сәйкес келмеген жағдайда Банк Клиентке Қызмет көрсетуден бас тартады:
4.2.1. Карта түрлеріне шектеулер:
-заңды тұлғаның ағымдағы шотынаэмитент-Банк шығарған Карталар;
- ол бойынша операция жүргізуге рұқсат немесе шектеулер эмитент-Банкпен және/немесе ХТЖ-мен және/немесе ҚР заңнамасымен белгіленген Картаның өзге түрлері;
- бейрезидент-Банктер шығарған жіберуші Карталары/қабылдаушы Карталары.
4.2.2. Операция сомасы және саны бойынша Банктің Қызмет көсретуіне шектеулерді (бұдан әрі - Лимиттер), аударым Сомалары бойынша Лимиттерді Банк 1 (бір) картаға теңгеде белгілейді:
Бір операцияға Лимит – 200 000 теңге;
Бір күнге Лимит –1 000 000 теңгеден көп емес;
Бір айға Лимит–7 000 000 теңгеден көп емес.
4.3. Клиент ҚР заңнамасының талаптарына, Банктің ішкі нормативтік құжаттарына сәйкес келмеген жағдайда, сонымен қатар операция ХТЖ Ережелерін бұзумен жүзеге асырылу туралы немесе алаяқтық сипатта екені туралы Банктің қауіпі туындаған жағдайда, операция жүргізу ҚР заңнамасына сәйкес рұқсат етілген жағдайлардан өзге, Банк біржақты тәртіпте және себебін түсіндірусіз Клиентке Қызмет көрсетуден бас тартуға құқылы.
4.4. Банк Қызмет көрсеткені үшін Клиенттен Комиссия алады. Комиссия аударым Сомасынан есептеледі және жіберуші Картасы бойынша жүргізілетін Автоматтандырылған сұраудың жалпы сомасынан тұрады және жіберуші картасының Шотынан есептен шығару күні, аударым Сомасынан бөлек, Клиенттің қосымша өкімінсіз (Клиент алдын ала акцепт ұсынады) жіберуші картасының Шотынан есептен шығарылады. Қуаттау кезінде жіберуші картасының Шотындағы ақша Банктің Қызмет көрсетуі үшін және Комиссияны төлеуі үшін жеткіліксіз болған жағдайда, Банк қаражатты аудармайды және Қызмет көрсетпейді, ал Шарттың әрекеті тоқтатылады.
Жіберушінің Карта Ұстаушысы Банктің Интернет-ресурсында Нұсқауды ресімдеген жағдайда, Комиссия сомасы, сонымен қатар қортынды сома – аударым және Комиссия Сомасы Шартқа қосылуға дейін Банктің Интернет-ресурсында, аударым Валютасында экранды түрде шығарылады. Шартқа қосыла отырып, Клиент Банктің Қызмет көрсету Комиссиясының мөлшерімен келіседі. Жіберушілердің және қабылдаушылардың Карталарын шығаратын Банктер Банктің Интернет-ресурсында жүргізілген ақша аударымымен байланысты есептен шығару және/немесе есептеу бойынша операциялар үшін өзінің комиссиясын ұстауы мүмкін. Аталған комиссияларды алу Банк тарифтерімен ескеріледі және Банк Тарифтеріне қатысы жоқ, және осы Шарт бойынша Банкке төленетін Комиссия сомасынан бөлек төленеді.
4.5. Егер жіберуші картасы Шотының және/немесе қабылдаушы картасы Шотының валютасы аударым Валютасынан өзгеше болса, аударым Сомасының және Автоматтандырылған сұрауға кіретін Комиссия Сомасының конвертациясы эмитент-Банктің белгілеген ішкі ережелері мен талаптарына сәйкес мұндай Картаны шығарушы Банкпен жүзеге асырылады.
4.6. Қуаттау нәтижесінде Карта бойынша операция жүргізуге эмитент-Банктің рұқсаты алынған жағдайда және Банк осы Шарттың талаптарына сәйкес Қызмет көрсетудің барлық іс-әрекеттерін орындаған жағдайда, Банк Клиентке тиісті түрде Қызмет көрсеткен болып саналады.
4.7. Банк өзінің Интернет-ресурсына Қызмет көрсету нәтижесі туралы ақпарат шығару арқылы Қызмет көрсету нәтижесі туралы Клиентке хабарлайды.
4.8. Көрсетілген Қызмет бойынша қабылдаушының карта Шотына ақшаны аудару мерзімі қабылдаушының картасын шығарған Банкке байланысты.
4.9. Банк қабылдаушының картасын шығарған Банктің кінәсі бойынша, ХТЖ Ережелерімен, осы Шартпен және ҚР заңнамасымен белгіленген мерзімдерді және өзге талаптарды бұзу арқылы қабылдаушының карта Шотына ақша аударылған жағдайда, Банк жауапкершілікте болмайды.
4.10. Қызметті ресімдеу кезінде Банктің Интернет-ресурсына экранды түрде операция параметрлерін енгізу сәтінде Клиенттің жіберген қателері үшін және нәтижесінде аударымның қате Сомасында немесе қабылдаушы Картасының қате деректемелері бойынша ақша аударылған жағдайда, Банк жауапкершілікте болмайды. Аталған жағдайларда Банк Шартқа сәйкес Клиентке тиісті түрде және толық Қызмет көрсеткен болып саналады, Клиент Қызмет көрсету нәтижесінде ақша аударылған тұлғамен (тұлғалармен) өз бетімен (Банктің қатысуынсыз) есеп айырысады.
4.11. Жіберушінің Карта Ұстаушысы Шартқа Қосылу сәтіне дейін немесе Шартқа Қосылудан кейін Банк Қызметінің параметрлерін растауға дейін, Банктің Интернет-ресурсында Нұсқауды ресімдеудің кез келген сәтінде Қызмет алудан бас тарту мүмкіндігіне ие. Бұл ретте жіберушінің карта Шотынан қабылдаушының карта Шотына ақша аударымы жүргізілмейді, Комиссия алынбайды.
5. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ
5.1. Банк міндетті:
5.1.1. осы Шартпен белгіленген көлемде және мерзімде Қызмет көрсетуге;
5.1.2. осы Шартты Банктің Интернет-ресурсына орналастыруға;
5.1.3. Клиенттің Банк Қызметтерін пайдаланумен байланысты құпия ақпаратқа үшінші тұлғалардың заңсыз қатынауын болдырмас үшін ұйымдастырушылық және техникалық сипаттағы барлық қажетті шараларды қолдануға;
5.1.4. Картаны пайдалану арқылы жүргізілген Клиенттің операциялары бойынша банктік құпияны және Клиент туралы дербес деректерді сақтауға. Банк Картаны пайдалану арқылы жүргізілгеноперациялары бойынша ақпараттарды және Клиент туралы дербес деректерді ҚР заңнамасымен көзделген жағдайларда үшінші тұлғаларға ұсынуы мүмкін;
5.1.5. Банк Қызметтері бойынша Клиенттің шағымдарын қарастыруға;
5.1.6. ҚР заңнамасына, ҚР Ұлттық Банкінің нормативтік құқықтық актілеріне және осы Шарттың талаптарына сәйкес Клиенетке кешенді қызмет крсетуге.
5.2. Банк құқылы:
5.2.1. осы Шарттың талаптарын мүлтіксіз ұстануды және көрсетілген Қызмет үшін Комиссияны төлеуді Клиенттен талап етуге;
5.2.2. осы Шартпен және/немесе ҚР заңнамасымен белгіленген негіздер бойынша, сонымен қатар Клиенттің аударым жүргізуі үшін қажетті дәйексіз ақпарат ұсынуы анықталса, Клиентке Қызмет көрсетуден бас тартуға;
5.2.3. Клиент туралы қосымша ақпарат және жүргізілетін операцияның ҚР заңнамасына және ХТЖ талаптарына сәйкестігін тексеру үшін жүргізілетін операцияға қатысты құжаттары алуға;
5.2.4. автоматтандыру құралдарын пайдалану арқылы немесе олардың көмегінсіз Клиенттің дербес деректеріне қатысты кез келген ақпаратты өңдеуге, оған қоса осы Шартты жасаумен байланысты Банкке ұсынылған дербес деректерді жинақтауға, жүйелендіруге, жинауға, сақтауға, жоюға, пайдалануға, таратуға (оның ішінде тапсыруға), иесіздендіруге, блоктауға, өшіруге және ҚР 21.05.2013ж. № 94-V «Дербес деректер және оларды қорғау туралы» заңнамасымен көзделген өзге әрекеттерді жүзеге асыруға. Клиент осы Шартты орындау мақсаттары үшін, Клиенттің дербес деректеріне қатысты мәліметтерді қабылдаушы картасын шығарушы Банкке және/немесе ХТЖ-не Банктің толықтай немесе бөліктеп ұсынуына келісімін береді;
5.2.5. Автоматтандырылған сұрауға жіберуші Картасы бойынша операция жүргізуге рұқсат етпеу туралы жауап келсе, оның ішінде сұралған Код енгізілмесе немесе қате енгізілсе, егер Банктің сұраған қосымша параметрлері енгізілмесе немесе қате енгізілсе Клиентке Қызмет көрсетуден бас тартуға;
5.2.6. Банк Қызметі бойынша қосымша параметрлер сұратуға, ал Клиент Банктің Сәйкестендіру жүргізуі үшін мұндай сұрау бойынша қосымша параметрлерді енгізуге;
5.2.7. ҚР 28.08.2009 жылғы № 191-IV «Заңсыз жолмен алынған кірістерді заңдастыруға (жылыстауға) және терроризмді қаржыландыруға қарсы іс-әрекет туралы» Заңымен көзделген негіздер бойынша себебін түсіндірусіз Клиентпен іскерлік қатынас орнатуданбас тартуға;
5.2.8. Келесі жағдайларда Клиент Нұсқауын орындамауға: карта байланған жіберушінің ағымдағы шотындаБанктің операция жүргізу кезіндегі тарифтеріне сәйкес Банктің операция жүргізуге және Комиссияны есептен шығаруға жеткілікті ақшаны қамтамасыз етпеуі; операцияның ҚР заңнамасына және ҚР Ұлттық Банкінің нормативтік құқықтық актілеріне және ХТЖ талаптарына қайшы келуі;
5.2.9. Банк Қызметтері үшін төлемді, сонымен қатар Банк алдында туындайтын барлық берешектерді Банк тарифтеріне сәйкес, банктік шотты тікелей дебеттеу арқылы акцептсіз және даусыз тәртіпте жіберуші Картасы байланған банктік шоттан ақша алуға. Банк алдындағы берешек валютасынан өзге валютадағы берешекті өндіріп алған жағдайда, ақша конвертациясы Банктің конвертация кезіндегі тарифтеріне сәйкес, Банктің белгіленген бағамы бойынша, Клиенттің қаражаты есебінен жүзеге асырылады.
5.3. Клиент міндетті:
5.3.1. осы Шарттың ережелерін ұстануға және басшылыққа алуға;
5.3.2. Банк Қызметі арқылы берілген ақпараттың құпиялығы үшін жауапкершілікте болуға;
5.3.3. Картаны пайдалана отырып, кәсіпкерлік қызметті немесе жеке тәжірибені жүзеге асырумен байланысты операциялары жүргізбеуге;
5.3.4. Картаны үшінші тұлғаларға бермеуге;
5.3.5. Шартқа Қосылуға дейін уақытылы және толық көлемде Шарттың талаптарымен, тарифтермен және Комиссия сомасымен танысуға;
5.3.6. осы ШартқаҚосылуға дейін, Шартта көрсетілген Қызмет көрсетудің Банк шектеулерімен танысуға;
5.3.7. Банктің бекітілген тарифтеріне сәйкес Комиссия сомасынада Банк Қызметінің ақысын төлеуге;
5.3.8. Картаны пайдалана отырып, келесі операцияларды жүзеге асырмауға:
- тіркеу куәлігін, хабарлама туралы куәлікті, мәміленің есептік нөмірін талап ететін валюталық операциялар;
- оны жүзеге асыруға шектеу ҚР заңнамасымен белгіленген өзге операциялар;
5.3.9. Қызмет көрсету кезінде Банк сұрататын дәйекті ақпарат ұсынуға;
5.3.10. осы Шартпен көзделген ақша аударымымен байланысты операцияларды ҚР заңнамасына қатаң сәйкестікте жүзеге асыруға;
5.3.11. осы Шарттың ережелерімен және ҚР заңнамасымен көзделген өзге міндеттерді орындауға;
5.3.12. аударымды (-дарды) орындауға және Банктің қолданыстағы тарифтерімен көзделген Комиссияны алуға қажетті ақша сомасына карта (-лар) байланған ағымдағы шотта (-тарда) боулын қамтамасыз етуге.
5.4. Клиент құқылы:
5.4.1. осы Шартпен көзделген тәртіпте Банк Қызметтері туралы ақпаратты Банктен алуға;
5.4.2. осы Шартпен көзделген тәртіпте Банк Қызметін пайдалануға;
5.4.3. осы Шарттың ағымдағы редакциясымен Банктің Интернет-ресурсында танысуға;
5.4.4. Банктің көрсеткен Қызметінің сапасы бойынша наразылықты жазбаша түрде келесі мерзімнен кешіктірмей Банкке жіберуге;
- қабылдаушының картасы байланған ағымдағы шот бойынша операция жүргізу күнінен бастап 30 (отыз) күнтізбелік күннен кешіктірмей;
- қабылдаушының картасы байланған ағымдағы шот бойынша операция жүргізу күнінен бастап 45 (қырыз бес) күнтізбелік күннен кешіктірмей;
Клиент жүргізілген операциялар бойынша жазбаша наразылықты Банкке ұсынбаған жағдайда, жүргізілген операциялар расталған және наразылықсыз болып саналады.
6. ТАРАПТАРДЫҢ ЖАУАПКЕРШІЛІГІ
6.1. Тараптар өз міндеттерін орындамағаны немесе тиісті түрде орындамағаны үшін, сонымен қатар Шарт аясында ұсынылатын ақпараттың дәйектілігі үшін ҚР заңнамасына және ХТЖ талаптарына сәйкес жауапкершілікте болады.
6.2. Банк банктік құпияны жариялағаны үшін ҚР заңнамасынасәйкес жауапкершілікте болады.
6.3. Осы Шарт бойынша өз міндеттерін орындамағаны немесе тиісті түрде орындамағаны үшін, Банк өзінің дәлелденген кінәсі болған жағдайда ғана жауапкершілікте болады.
6.4. Банк Клиенттің растау құралын үшінші тұлғалардың заңсыз пайдалану нәтижесінде туындаған шығын үшін жауапкершілікте болмайды, егер мұндай пайдалану Банктің кінәсінен болмаса.
6.5. Егер міндеттерді орындауүшінші тараптың белігі бір әрекетіне қатысты болса, сонымен қатар міндеттерді орындамау немесе уақытылы орындамау үшінші тұлғалардың қажетті әрекетін орындамаудан немесе орындаудан бас тартуынан болса, ол әрекеттерін бекітілген тәртіпті бұзу арқылы орындаса немесе Банк үшін қолжетімсіз болса, Банк Клиент алдындағы өз міндеттерін орындамағаны үшін жауапкершілікте болмайды.
6.6. Егер Клиенттің Банк Қызметін пайдаланумен байланысты ақпарат Қызметті пайдалану барысында,Банктен тыс орналасқан байланыс арналары бойынша жіберу кезінде олардың қолжетімді болуы нәтижесінде үшінші тұлғаларға белгілі болса, Банк ол үшін жауапкершілікте болмайды.
6.7. Егер Клиент осы Шартпен белгіленген тәртіпте және мерзімде жарияланған осы Шарттың өзгерісі туралы ақпаратты алмаса және/немесе оқымасажәне/немесе дұрыс түсінбесе, Банк ол үшін жауапкершілікте болмайды.
6.8. Банк Қызмет көрсету кезінде Клиенттің енгізген деректерінің дұрыстығына жауапкершілікте болмайды;
6.9. Клиент оның Төлем картасы туралы ақпаратты және ондағы деректерді жариялау нәтижесінде, Клиенттің ескертілуімен немесе ескертілуісіз үшінші тұлғалардың Банк Қызметі бойынша жүргізген барлық операциялары үшін жауапкершілікте болады.
6.10. Егер өз міндеттерін орындамау немесе тиісті түрде орындамау табиғи апаттар, әскери әрекеттер, азаматтық тәртіпсіздіктер, шектеу немесе рұқсат етпеу сипатындағы нормативтік құқықтық актілердің шығуы және т.б. секілді еңсерілмейтін күш жағдайлары нәтижесінде болса, Тараптар Шарт бойынша міндеттерін орындамағаны немесе тиісті түрде орындамағаны үшін жауапкершіліктен босатылады.
6.11. Клиент Банкке келген шығындардың толық көлемінде осы Шартты тиісті түрде ұстанбағаны үшін жауапкершілікте болады.
7. ДАУЛАРДЫ ШЕШУ
7.1. Шарт ҚР заңнамасына сәйкес реттеледі және мазмұндалады.
7.2. Клиент Банктің осы Шарт бойынша міндеттерін орындаумен байланысты Банк әрекеттерімен келіспеген жағдайда, Клиент осы Шарттың 5.4.4.т. көрсетілген мерзімде наразылықтың мәнін түсіндіре отырып, Банкке жазбаша өтініш жолдайды.
7.3. Банк Клиенттің өтінішін ҚР заңнамасымен белгіленген тәртіпте және мерзімде қарастырады және Клиенттің наразылығын қанағаттандырады немесе оның наразылығының негізсіздігі туралы Клиентке хат жолдайды.
7.4. Банк пен Клиент арасында туындауы мүмкін барлық даулар мен келіспеушіліктер келіссөздер арқылы шешіледі. Дауларды келіссөздер арқылы шешу мүмкін болмаған жағдайда, Банк өз таңдауы бойынша «Арбитраж Алматы» ЖШС жанындағы Алматы Арбитражына немесе Банктің ұйғарымы бойынша Банктің немесе оның филиалының орналасқан/тіркелген орны бойынша жалпы юрисдикция сотында (шартты соттылық) жүгінуге құқылы, Қазақстан Республикасының заңнамасымен көзделген жағдайлардан өзге.
7.5. Клиент осы Шартқа қосыла отырып, Банк дауларды шешу бойынша, өз ұйғарымымен Қазақстан Республикасының заңнамасымен белгіленген нормаларды және тәртіпті сақтай отырып, арбитражда көрсетілген регламентке сәйкес, Алматы қаласындағы бір арбитраж құрамында, «Арбитраж Алматы» ЖШС жанындағы Алматы Арбитражына жүгінуге құқылы екендігіне келісімін береді, бұл ретте арбитраждық шешім оны шығару күнінен бастап күшіне енеді және Тараптар үшін міндетті және оны шығару күнінен бастап 5 жұмыс күні ішінде орындалуға тиісті. Тараптардың осы Шарт бойынша дауларды және келіспеушіліктерді Банктің таңдауы бойынша «Арбитраж Алматы» ЖШС жанындағы Алматы Арбитражына тапсыру туралы аталған келісімі Тараптардың абритраждық келісіміне теңестіріледі.
8. ҚОРТЫНДЫ ЕРЕЖЕЛЕР
8.1. Осы Шарт Клиенттің осы Шартқа қосылу сәтінен бастап күшіне енеді.
8.2. Осы Шарт Тараптардың келісімі бойынша, осы Шарттың талаптарымен көзделген тәртіпте бұзылуы мүмкін.
8.3. Клиент ҚР заңнамасын немесе осы Шартты бұзған жағдайда немесе ҚР заңнамасын және/немесе осы Шартты бұзудың қауіптілігі туындаған жағдайда, Банк осы Шартты біржақты тәртіпте бұзуы мүмкін.
8.4. Егер осы Шарттың қандай да бір немесе одан көп ережесі жарамсыз болса немесе заңнамалық түрде қамтамасыз етілмесе, онда бұл жағдай осы Шарттың қалған ережелерінің жарамдылығы мен заңдылығына еш әсер етпеуі тиіс.
8.5. Тараптың осы Шарттың кез келген құқығын қолданбауы немесе уақытылы қолданбауы оның мұндай құқықтан бас тартуы деп саналмауы қажет, сонымен қатар мұндай Тараптың өзге құқықтарын жүзеге асыруға әсер етпеуі тиіс. Осы Шартқа сәйкес барлық құқықтар, сондай-ақ міндеттер өзге құқықтар мен міндеттердің бөлігі болып табылады, бірақ олардың ерекше жағдайы емес.
8.6. Банк осы Шартқа және тарифтерге өзгеріс енгізу құқығын өзіне қалдыралы, осы Шартқа және тарифтерге өзгеріс енгізілгеннен кейін олар жаңа/өзгертілген редакциясында қолданылады.
8.7. Клиенттің Шарт талаптарын қабылдамау туралы, сонымен қатар аталған өзгерістердің ресми күшіне ену кезіне дейінгі өзгерістерді ескере отырып, тарифтерді қабылдамау туралы Банкке өтініш білдірмеуі - Клиенттің Шарттың жаңа редакциясымен келісуі және оған қосылуы, сонымен қатар Банктің жаңа тарифтерімен келісуі болып табылады.
8.8. Клиент Банктің бірінші талабы бойынша, Банкпен белгіленген мерзімде, Банктің барлық ережелерінің талаптарын және/немесе ҚР заңнамасымен белгіленген нормаларын жүзеге асыруы және ұстануы үшін қажетті ақпаратты және/немесе құжаттаманы ұсынуға және/немесе қамтамасыз етуге міндетті.
8.9. Осы Шарт мемлекеттік және орыс тілінде жасалған. Мәтіндер арасында қайшылықтар туындаған жағдайда орыс тіліндегі мәтін басымдылыққа ие болады.
8.10. Клиент осы Шартқа қосыла отырып, өзінің дербес деректерін Банктің жинақтауына және өңдеуіне келісімін береді.
8.11. Осы Шартпен көзделмеген өзге жағдайларда Тараптар ҚР заңнамасын және ХТЖ тиісті Ережелерін басшылыққа алады.
«Bank RBK» АҚ Қазақстанның кез келген банкінің картасымен Visa және MasterCard төлем жүйелері ішінде және әр түрлі банктердің Visa және MasterCard төлем жүйелері арасында Р2Р карталық аударымдары қызметін пайдалануды ұсынады.
Шарттар
Аударуды жүзеге асыру үшін жіберуші картасы интернет транзакциялары үшін ашылуы қажет.
Аударым аяқталған соң 3 минут ішінде ақша Visa және MasterCard карталарында қол жетімді болады. Кейде қабылдаушы картасында ақшаның қолжетімділік мерзімі артуы мүмкін, себебі ол картаны айналымға шығарған банктің ережелерімен анықталады.
Аударымдар Қазақстан Республикасының кез келген банктері айналымға шығарған карталарымен ғана жүзеге асырылады.
Қазақстан Республикасыныңбанктері айналымғашығарғанкарталарына аударымдар тек теңгеде қолжетімді.
Аударымды қалай жүргізу қажет:
1. Ашылған терезеде аударым үшін қажетті барлық ұяшықтарды толтыру:
Барлық параметрлерді енгізгеннен кейін жүйе автоматты түрде комиссия сомасын және жалпы соманы есептейді және экранға шығарады, ол жіберушінің картасынан сұралады және есептен шығарылады.
2. Банк Қызметінің шарттарымен танысу және Шартқа қосылуды растау.
3. Жіберуші телефонының нөмірін көрсету.
4. Енгізілген мәліметтерді тексеру, дұрыс болған жағдайда «Жіберу» батырмасын басу.
5. Сіздің картаңызда 3DSecure технологиясының болуына/болмауына байланысты, Сізге технологиялардың бірі бойынша операцияны растай отырып, сәйкестендіру процедурасынан өту ұсынылады:
6. Сіздің деректеріңізді тексерген соң, «Жіберу» батырмасын басқаннан кейін бірнеше секундтар ішінде жүйе операция жүргізудің сәттілігі немесе сәтсіздігі туралы ақпаратты өңдейді және экранға шығарады.
7. Операция сәтті аяқталған соң экранда аударым мәліметтері бар түбіртек көрсетіледі.